Galicia Gaiteira CF

O Galicia Gaiteira ten a súa orixe no Sporting Galicia, un equipo do barrio da Gaiteira alcumado Os Tabeiróns (tiburón) polo seu xogo brusco e viril que estableceuse oficialmente o 26 de abril de 1926, ingresando na Federación Local de Clubes Modestos de La Coruña, logrando o subcampeonato na tempada 1930-1931.

Ca Guerra Civil paranse os campeonatos de fútbol, e ca reanudación do campionato, por mor da prohibición do uso de topónimos estranxeiros nos nomes, pasa a chamarse oficialmente Galicia Gaiteira.

Os anos de maior esplendor do conxunto dos Castros, foron os da década dos 60, gañando a Copa Caracas (un trofeo doado por residentes venezolanos na Coruña), tres copas da Coruña en catro anos, conseguindo conseguindo ascender a primeira división de modestos (actual primeira futgal) como campións da segunda división, e dous ascensos a preferente como campións da primeira división de modestos.

De aquí saíron xogadores que chegaron a debutar en primeira división coma Pedro Mosquera (xogador do Real Madrid, Elche ou Deportivo da Coruña entre outros), Carlos Pita (Deportivo da Coruña e tercer xogador con máis partidos do CD Lugo) ou Iago Iglesias (Deportivo da Coruña ou Elche).

Pese a estes éxitos, a traxectoria dos últimos anos do Galicia Gaiteira foi complicada, no ano 2013 quedouse sen equipos de competición, conseguiuse salvar esa complicada situación, máis en 2023 volveu a ter problemas constituindose unha nova directiva que pouco a pouco mellorou a situación e permitiu que no 2026 este clube alcanzase os 100 anos de historia ainda en activo.