Nos anos 80, no patio do colexio público Sal Lence de Os Castros (A Coruña), unhas nenas querían xogar ao fútbol e non tiñan onde. Un membro da APA do colexio, Victor Sieiro, negouse a aceptar esta realidade, e así naceu o Club Sal Lence de fútbol sala feminino, que pasou de xogar contra nenos no patio a encher pavillóns, ser as primeiras campioas da Primeira División feminina de fútbol sala, gañar a Copa da Raíña e conquistar títulos internacionais.

Unha apaixonante historia de pioneiras, obstáculos, prexuízos e moita emoción.