Un barrio moi deportivo
O 8 de decembro de 1906, o RC Deportivo da Coruña —aínda baixo o nome de Sala Calvet— xogou no corralón da Gaiteira o que sería o primeiro capítulo dunha longa historia deportiva no barrio. Que dende aquel día, non deixou de sumar fitos: clubes que xa superan o século de vida, un derbi que segue espertando emocións, campionas de España e mesmo os pioneiros do judo na cidade. Nesta sección recóllense os equipos deportivos actuais e históricos do barrio.